झूठा नेता झूठी नीति झूठी तेरी शान,
संकट कै मैं जी रहया दलित मजदूर किसान।
1. बेरोजगारी महंगाई की गरीब झेलरे मार,
पढ लिखकै धक्के खावै मिलता कोन्या रोजगार,
चुनाव कै मह धावे करकै बदलै आपणी जबान।
2. मिलकै पूंज़ीपतियां गैल सारा देश लूट लिया,
कमा कमा कै गरीबां का सारा गात टूट लिया,
जात धर्म के नाम पै बांट दिया यू हिन्दुस्तान।
3. खेती करैकै ध्याड़ी करकै गरीब रोज कमावै,
देश लूट कै बार भाज़गे पूंज़ीपति मौज उड़ावै,
कंगाल बणा दिया बेईमनां नै मेरा देश महान।
4. जात पात के चककर मैं भाईयों मतना उलझौ,
धोलपोश बेईमनां की चालाकी नै समझौ,
कहै सुशील लोहट थारी फूट का फैदा ठागे ये बेईमान।
डॉ. सुशील कुमार ‘लोहट’सेक्टर 3 कुरूक्षेत्र मो. 9813156148